७ असोज, काठमाडौं । स्टेप फर मायल्स संस्थाले शनिबार ‘काठमाडौं इको राइड’ साइकल र्याली गर्ने भएको छ ।
वातावरण संरक्षण, जैविक तथा धार्मिक पर्यटनको क्षेत्रमा काम गर्दै आइरहेको स्टेप फर मायल्सले विश्व शान्ति तथा पर्यटन दिवस अवसरमा र्याली आयोजना गर्न लागेको हो ।
हरेक वर्ष आयोजना हुने र्यालीको यो छैटौं संकरण हो । शनिबार विहान साढे ६ बजे पाटनको दरबार स्क्वायरबाट शुरु हुने र्याली शंखमुल, बाग्मती किनार, तीनकुने, सिनामंगल, गौशाला, चावहिल, गणेशस्थान, कालोपुल, ज्ञानेश्वर, मैतिदेबी दुई दिल्लीबजारमा पुगेर समापन हुनेछ ।
राजधानीमा बढ्दो प्रदुषण र अव्यवस्थित वस्तीका कारण उत्पन्न प्रदुषणका कारण शहरलाइ पुनःहरित स्वच्छ, शान्त बनाउने सन्देश प्रवाह गर्नका लािग कार्यक्रमको अजोजना गरिएको संस्थाका अध्यक्ष रुपक खड्काले जानकारी दिए ।
यस बर्षको साइकल र्यालीमा नेपालका विभिन्न व्यवसायिक क्षेत्रका व्यक्तिलगायत विदेशी नागरिक गरी २०० भन्दा बढी साइकलयात्रीहरु सहभागी हुने खड्काले बताए ।
