बेलायतका डाक्टरहरुले दुई महिला र एक पुरुषको मद्दतले बच्चा जन्माउने प्रविधिको पहिलो लाइसेन्स प्राप्त गरेका छन् । आइभिएफ प्रविधिको यस आधुनिक रुपको प्रयोग बच्चालाई आनुबंशिक विमारीहरुबाट बचाउनका लागि गरिनेछ ।
यस प्रविधिको मद्दतबाट माइट्रोकोन्डि्रयासँग सम्वन्धित रोगहरुसँग लड्न सकिने डाक्टरहरु बताउँछन् । माइट्रोकोन्डि्रया शरीरको सेलमा हुने सुक्ष्म संरचना हो जसले खानालाई उर्जामा बदल्छ ।
माइट्रोकोन्ड्रियासँग सम्वन्धित रोगहरुको कारणले बिरामीमा यति उर्जा पनि बाँकी रहँदैन कि उसको मुटुको धड्कन चलिरहन सकोस् । हरेक वर्ष यसको कारण थुप्रै बच्चाहरुको मृत्यु हुने गरेको छ ।
यो रोग आमाबाट बच्चामा सर्छ । अब नयाँ प्रविधिबाट बच्चा जन्माउनका लागि बाबुको शुक्रकिट, आमाको अन्डाणु तथा दाताको अण्डाणुको प्रयोग गरिन्छ । यो प्रक्रियाको उद्देश्य दाताबाट स्वस्थ माइट्रोकोन्ड्रिया लिनु हो ।
यद्यपि, माइट्रोकोन्ड्रियाको पनि आफ्नो डिएनए हुन्छ । त्यसैले नयाँ प्रविधिबाट जुन बच्चा जन्मिन्छ, उसमा दाताको पनि अलिकति डिएनए आउँछ । तर यो प्रक्रिया कानूनी हुने र यसमा कुनै नैतिक समस्या पनि नआउने बताइएको छ ।
तर बेलायतमा यसका लागि क्लिनिक र रबरामीका लागि नियामक निकायको अनुमति लिनुपर्ने हुन्छ ।
