३० चैत, काठमाडौं । भारतीय राजदूत मञ्जीभ सिंह पुरीले आज राष्ट्रपति बिद्यादेवी भण्डारीसँग शिष्टाचार भेट गरेका छन् ।
राष्ट्रपति भवन शितल निवासमा भएको भेटमा राष्ट्रपतिको बैशाख ४ गतेदेखि हुने राजकीय भ्रमणबारे कुराकानी भएको राष्ट्रपति कार्यालयद्वारा जारी बिज्ञप्तिमा उल्लेख छ ।
राष्ट्रपति भण्डारीसँग आजै श्रीलंकाली राजदूत डब्ल्यु एस परेराले पनि भेट गरेकी छन् । भेटमा दुई देशबीचको सम्बन्धलाई प्रगाढ बनाउन आपसी हित र चासोका बारेमा कुराकानी भएको थियो ।
