मंगलबार, ३१ असोज, २०७४
OnlineKhabar.com

प्रचण्ड र बाबुरामबीच भेटवार्ता, पूर्व माओवादीहरुको एकताबारे छलफल

अनलाइनखबर

२८ साउन, काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड र नयाँ शक्तिका संयोजक डा. बाबुराम भट्टराईबीच भेटवार्ता भएको छ ।

अप्रेसनपछि आराम गरिरहेका नेता भट्टराईलाई भेट्न प्रचण्ड शनिबार दिउँसो उनकै निवासमा पुगेका थिए । झण्डै २ घण्टासम्म चलेको छलफलमा दुई नेताबीच समसामयिक राजनीतिक परिस्थितिका विषयमा कुराकानी भएको थियो ।

भेटमा माओवादी अध्यक्ष प्रचण्डले पूर्वमाओवादी र अग्रगामी धाराहरुबीचको एकतामा जोड दिँदै त्यसका लागि गम्भीर रुपले सोच्न नेता भट्टराईलाई आग्रह गरेका छन् ।

देशको जटिल राजनीतिक परिस्थितिलाई विचार गरेर माओवादीहरु एक हुनैपर्ने भन्दै उनले सम्पूर्ण राजनीतिक परिस्थितिमा समीक्षा गरेर जान आफूहरु गम्भीर रहेको बताए ।

नयाँ शक्तिका नेता भट्टराईले समग्र विषयमा समीक्षा गरेर निष्कर्षमा पुग्न सकिने बताउँदै त्यसका लागि छलफललाई जारी राख्ने प्रस्ताव गरे ।

दुई नेताबीच समग्र विषयमा गम्भीर समीक्षा गरेर अगाडि बढ्न छलफललाई जारी राख्ने समझदारी भएको प्रचण्डको निजी सचिवालयले जनाएको छ ।

२०७४ साउन २८ गते १७:२३ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

२ प्रतिकृयाहरू प्राप्त
  • manjeet लेख्नुहुन्छ    |   २०७४ साउन २८ गते २२:०५

    ramrai kura ho!

    0
    0
    Share

  • Pradip लेख्नुहुन्छ    |   २०७४ साउन २८ गते २३:४५

    मिलेर जादा राम्रो हुने छ

    0
    1
    Share

यसमा तपाइको मत




फेसबुकबाट तपाईको प्रतिक्रिया

Also you may like this