१ असोज, पोखरा । गीतकार वसन्ती लालचनको निधन भएको छ । उनको उपचारको क्रममा शनिबार मध्याह्न मेदान्त अस्पतालमा निधन भएको पारिवारिक स्रोतले जनाएको छ ।
फोक्सोमा पानी जमेर अवस्था जटिल बन्दै गएपछि उनलाई उपचारको लागि भारतको मेदान्त अस्पताल लगिएको थियो ।
लालचनले ‘क्या राम्रो स्याउबारी मार्फा गावैं’मालगायत आधा दर्जन गीत लेखेकी थिइन् ।
भारतबाट आइतबार नेपाल ल्याउन लागिएको उनको पार्थिव शरीरलाई पोखरा नयाँबजारस्थित लालचन निवासमा केहीबेर राखेर अन्त्येष्टि गर्ने तयारी भएको पारिवारिक स्रोतले बताएको छ ।
स्वर्गीय लालचनका १ छोरा र २ छोरी छन् ।