१०माघ, काठमाडाैं । माओवादी केन्द्रका नेता रामबहादुर थापा बादलले बिकास निर्माणको कामलाई तीव्रता दिने प्रतिबद्धता व्यक्त गरेका छन् ।
राष्ट्रिय सभा सदस्यको उम्मेदवारी दर्ता गराएलगत्तै ललितपुरको मानभवनस्थित निर्वाचन अधिकृतको कार्यालय परिसरमा संचारकर्मीसँग संक्षिप्त प्रतिक्रिया दिँदै उनले वामगठबन्धनको साझा घोषणा पत्रमा उल्लेख भए अनुसार काम गर्ने प्रतिवद्धता व्यक्त गरेका हुन् ।
पूर्व रक्षामन्त्री समेत रहेका बादलले मुलुकको गरिमालाई अझै उचाइमा पुर्याउने दायित्व पनि आफूहरुमाथि रहेको स्पष्ट पारे ।
प्रतिनिधिसभामा आफ्नो क्षेत्रबाट उम्मेदवारी नपाएका बादल प्रदेश नम्बर ३ बाट राष्ट्रिय सभा सदस्यमा उम्मेदवार बनेका छन् ।
नेता बादललाई राष्ट्रिय सभा अध्यक्षका दाबेदारका रुपमा समेत हेरिएको छ ।
