२०७७ चैत १६ गते ८:५४ 
१६ चैत, काठमाडौं । फिफा विश्वकपको युरोपियन छनोटमा स्पेनले जर्जियामाथि पुनरागमन जित हात पारेको छ ।
डानिएल ओल्मोले इन्जुरी टाइममा निर्णायक गोल गरेपछि स्पेनले एक गोलले पछि परेको स्थिति उल्टाउँदै जर्जियालाई २-१ ले पराजित गरेको हो ।
घरेलु मैदानमा किचा काभारस्खेलाले ४४औं मिनटमा गोल गर्दै जर्जियालाई अग्रता दिलाए पनि कायम राख्न सकेन । ५६औं मिनेटमा फेरान टोरेसले स्पेनको लागि बराबरी गोल फर्काए । ओल्मोले इन्जुरी टाइमको दोस्रो मिनेटमा गोल गर्दै स्पेनलाई जिताए ।
पहिलो जितपछि समूह बी मा ४ अंक जोड्दै स्पेन दोस्रो स्थानमा छ । यसै समूहको अर्को खेलमा स्वीडेनले कोसोभोलाई ३-० ले पराजित गर्दै लगातार दोस्रो जित हात पारेको छ । २ खेलबाट ६ अंकसहित स्वीडेन शीर्ष स्थानमा छ ।
प्रतिक्रिया 4