मैले मेरो…राष्ट्रिय टोलिको जर्सी अन्तिम पटक लगाएँ 

अब वास्तवमा यो मेरो जिन्दगीको एउटा अध्याय सकिएको छ । यो सजिलो थिएन । विशेष गरी सुरुवाती दिनहरूमा, एन्फा एकेडेमी हुर्किँदै गर्दा मेरो एउटा सपना थियो राष्ट्रिय टोलीको जर्सी लगाई देशलाई उपाधी जिताउने । धेरै हदसम्म त्यो पनि पूरा गरे जस्तो लाग्छ । देशले तीनवटा उपाधि जित्दा म टोलीको महत्त्वपूर्ण सदस्य तथा कप्तान थिएँ । यसमा मलाई सदैव गर्व महसुस हुन्छ ।

खेलाडी जीवनकालमा धेरै उतारचढाव आए करिब १४ वर्ष राष्ट्रिय टोलीबाट खेल्दै गर्दा समर्थकहरुबाट पाएको माया राष्ट्रिय टोलीको ३ नम्बर जर्सी म जिन्दगीभर कहिले पनि बिर्सने छैन ।

आज राष्ट्रिय टोलीबाट बिदा लिँदै गर्दा म मेरो सुरुवातदेखिको सम्पूर्ण साथीहरुलाई धेरै सम्झिन चाहेको छु । म आज यो स्थानसम्म आइपुगेर बिदा लिदै गर्दा मलाई सदैब सपोर्ट गर्ने मेरो आमा-बाबा, दाजुभाइ, दिदिबहिनी साथै सम्पूर्ण परिवारलाई धेरै-धेरै धन्यवाद अनि माया भन्न चाहन्छु ।

एन्फा एकेडमी, एन्फा, मेरा सम्पूर्ण प्रशिक्षक, संकटा क्लब, एनआरटी क्लब, थ्री-स्टार क्लब, मनाङ मर्स्याङ्दी क्लब साथै मछिन्द्र क्लबप्रती विशेष धन्यवाद साथै हार्दिक आभार प्रकट गर्न चाहन्छु ।

मलाई माया गर्नु हुने देश तथा विदेशमा रहनुहुने मेरो सम्पूर्ण समर्थक, शुभचिन्तक, मिडियाकर्मी, खेलकुद प्रेमी, राष्ट्रिय टोलीको सम्पूर्ण खेलाडी, सहकर्मी, प्रशिक्षक, अफिसियलहरुलाई धेरै-धेरै धन्यवाद दिन चाहन्छु । साथै नेपाली फुटबल अझै धेरै प्रगति र सफलताको कामना गर्दछु ।