आईएमई डिजिटल सोलुसन र ललितपुर महानगरबीच कर भुक्तानीसम्बन्धी सम्झौता

काठमाडौं । आईएमई डिजिटल सोलुसन लिमिटेड र ललितपुर महानगरपालिकाबीच एक समझदारी पत्रमा हस्ताक्षर भएको छ ।

सम्झौता अनुसार विद्युतीय कर भुक्तानीमा महानगरपालिकाले आईएमई डिजिटल सोलुसनको मोबाइल वालेट आईएमई पेको प्रयोग गर्ने छ ।

हालै सम्पन्न सम्झौतापत्रमा ललितपुर महानगरपालिकाका प्रमुख प्रशासकीय अधिकृत गणेश अर्याल र आईएमई पेका सहायक महाप्रबन्धक प्रमोदमान सिंह बस्नेतले हस्ताक्षर गरे ।

सम्झौता अनुसार महानगरलाई स्थानीयहरुले तिर्नुपर्ने कर, जस्तै घर–बहाल कर, सम्पत्ति कर र व्यावसायिक करहरु सजिलै आईएमई पे एपबाट तिर्न सक्नेछन् ।