८ जेठ, काठमाडौं । जर्मन बुण्डेसलिगामा बोरुसिया डर्टमण्डले सोमबार राति १० खेलाडीमा समेटिएको अग्सवर्गलाई ३-० ले पराजित गरेको छ । यस जितपछि डर्टमण्ड बायर्नलाई पछि पार्दै शीर्ष स्थानमा उक्लेको छ ।
सिजनको अन्तिम खेल बाँकी रहँदा डर्टमण्डले बायर्नमाथि २ अंकको अग्रता बनाउँदा उपाधि होड रोमाञ्चक बनेको छ ।
अग्सवर्गको मैदानमा डर्टमण्डलाई जिताउन सेबास्टिन हेलरले दुई तथा युलियन ब्रान्टले एक गोल गरे ।
हेलरले ५८औं र ८४औं मिनेटमा गोल गरे भने ब्रान्टले इन्जुरी टाइममा गोल गरे ।
त्यसअघि अग्सवर्गका फेलिक्स उडुओखाईले ३८औं मिनेटमा रातो कार्ड पाउँदा दश खेलाडीमा समेटिएको थियो ।
जितपछि डर्टमण्ड ३३ खेलबाट ७० अंक जोडेर शीर्ष स्थानमा उक्लेको छ । समान खेलबाट ६८ अंकसहित बायर्न दोस्रो स्थानमा छ ।
अब सिजनको अन्तिम खेलमा डर्टमण्डले मेइन्जसँग घरेलु मैदानमा खेल्नेछ भने बायर्नले एफसी कोल्नको मैदानमा गएर खेल्नेछ ।
अन्तिम खेल जितेमा डर्टमण्डले २०१२ पछि पहिलो पटक बुण्डेसलिगा उपाधि जित्नेछ ।
Results
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg)
प्रतिक्रिया 4