जीवन चलाउनेको भिडियो बयान : ‘सीआईबीका डीएसपी र एसपीले ६० लाख मागे, श्याम ज्ञवालीले आईजीपी बन्न १ करोड’

नमस्ते म जीवन चलाउने । लामो समयदेखि आफ्नो मनको कुरा भन्न मन लागेको थियो । तर समय मिलेको थिएन । अहिले मैले अनलाइनखबरलाई रोजे‌ं । मलाई यसरी अभियोग लगाइयो । म खाद्यान्न र रियल स्टेट बिजनेस गर्दै आइरहेको थिएँ १८ वर्षदेखि । मैले धेरै दुःख गरेर माडवारीकोमा काम गर्दागर्दै, सिक्दासिक्दै १६–१७ वर्षमा मैले एक हजार मानिसलाई रोजगारी दिंदै आइरहेको छु ।

विगत लामो समयदेखि व्यापार विजनेस गर्दै आइरहेको छु । त्यही सिलसिलामा ठमेलमा खाजा खान जाने बेलामा एक जना दावा भन्ने मान्छेसँग भेट भयो । म खाद्यको काम गर्ने मान्छे भएकाले उहाँले सामानहरू अर्डर गर्नुभयो । म जिरा, खाद्यान्न सामान बेच्छु । उहाँले सामानहरू अर्डर गर्नुभयो । उहाँले ४०–४० किलोको २ प्याक जिरा, धनियाँ अर्डर गर्नुभयो ।

उहाँले मलाई तिब्बतको लागि महिनामा ५०÷१०० ट्रक जति चामल चाहिन्छ भन्नुभयो । म खाद्यान्नको व्यापार गर्ने मान्छे, अब यस्तो क्राइसिसमा सामान लिन्छ भने ठिकै छ भन्ने भयो । अब यसो हेर्दा पनि त्यत्रो होटलको साहु राम्रै होला भनेर व्यापारिक तरिकाले कुरा अघि बढ्यो ।

मैले दावा भनेर नाम लिइएका व्यक्ति अहिले सुन प्रकरणमा पुर्पक्षमा थुनामा रहेका तिब्बतीयन मूलका बेल्जियन नागरिक हुन् । उनैसँगै व्यापारको सिलसिलामा कुराकानी भएको थियो । विगत ३ महिना अघि मात्रै उसँम मेरो चिनजान र कुराकानी भएको हो । अब कुरा हुने क्रममा उहाँले अरु सामानहरू पनि अर्डर गर्नुभयो ।

ल्वाङ, सुकुमेलहरू धेरै सामानहरू अर्डर गर्नुभयो । मैले उहाँको चाहिं भारतबाट गएर पार्टीसँग कुरा गरेर तिब्बत जान्छ एक्सपर्ट हुन्छ भने ल ठिक छ भनेर इन्डियाको पाटीसँग पनि कुरा गरेर आएँ । मैले इन्डियाको पाटीसँग पनि कुरा गरेको छु भनेर भनेको छु जुन म्यासेजमा त्यो चाहिँ मैले धनिया, जिराको पाटीसँग कुरा गरेको भएर त्यो म्यासेज हो ।

अनि उहाँले पछि मलाई क्लोजिङको बेला पैसा चाहिएको थियो । पैसा चाहिँदा उहाँले चाहिं मलाई २४ प्रतिशत ब्याजमा ५ करोड पैसा मिलाइदिन्छु भन्नुभएको थियो । मैले मेरो पेप्सीकोलाको जग्गाको पूर्जा पनि म्यासेजमा पठाएको छु । त्यो पुसिलकोमा पनि छ, २४ प्रतिशत ब्याजमा पैसा मागेको आफ्नो बैंकको व्यवहार मिलाउनका लागि ।

मैले बैंकको पैसा त समयमा तिर्न नसक्ने अवस्था भएको मान्छेले सुन त्यत्रो लगानी गर्छ र ?

म आफैं सीआईबीमा गएर बयान पनि दिएको हो । मलाई प्रतिवादी बनाउनुभन्दा एक हप्ता अघि गएर बयान दिएको छु । मेरो हर एसएमएसको जवाफ मैले दिएको छु । स्वयं त्यो दावा भन्ने मान्छेलाई अगाडि राखेर पुलिसलाई क्लियर गरेको छु । र, त्यो दावा भन्ने मान्छेले पनि यो मान्छे सुनमा छैन है भनेर उसले क्लियर गरेको छ । पुलिसहरूकै अगाडि क्लियर गरेको छ ।

त्यहाँ मलाई एसपी सन्जय थापा एसपीको अगाडि, सीसी क्यामेराको अगाडि मैले बयान दिएर स्टेटमेन्टमा ल्याप्चे लगाएर म निस्केको हो । मलाई कुनै त्यो तारेखमा छाडेको पनि होइन, केही पनि होइन ।

मैले दावालाई नै अघि राखेर तिम्रो मेरो कुनै त्यस्तो कारोबार छ भने ल भन्नुस् भन्दा उसले ल छैन भनेको छ । पुलिसमा र अदालतमा समेत यो मान्छे छैन भनेर बयान दिएको छ । दावाले म्यासेजमा भनेको गोल्डको कुन अर्थमा भनेको हो भने मसँग चाइनामा निकै इन्भेस्टरहरू छन् । नेपालमा व्यवसाय गर्न खोजिरहेका छन् । के छ भन्दा ल दावा त्यो खालका व्यवासायी छन् भने ल्याउनु न त ल्याउनुस् उद्योग धन्दा खोल्नुस्, राम्रो इन्भेस्टर छन् भने भन्ने खालको कुरामा त्यो प्रसंग आएको हो । त्यो चाहिं त्यस्तो हो ।

अनि अर्को कुरा मैले चाहिं उहाँसँग २४ प्रतिशत ब्याजमा पैसा माग्ने क्रममा उसँग मेरो कन्भरसेसन भएको हो । मेरो बैंकमा चाहिं अलि समस्या थियो । क्लोजिङको बेला थियो । पैसा तिर्नुपर्ने थियो । उसले हुन्छ–हुन्छ भनेर प्रलोभन देखायो तर गरेन । मैले त्यो म्यासेजमा त्यो पुलिसकोमा त्यो पूर्जा जीवितै छ ।

त्यसपछि चाहिं मैले सीआईबीमा बयान दिएर आएँ । सीआईबीमा म ५÷७ घण्टा बसेँ । मैले बयान दिएँ । स्टेटमेन्ट दिएँ । सन्जय थापाले सिग्नेचर पनि गर्नुभयो । तर भयो के भन्छु भने मलाई कहाँबाट फसाईयो भने कहाँबाट खेलियो ? म सुनमा छैन सबैलाई थाहा छ । सुनमा पर्ने मान्छे होइन सबैलाई थाहा छ । तर मलाई अहिले बलीको बोका बनाइएको छ । घुन पिसे जस्तो पिसिएको छ । यो सुनिजित षड्यन्त्र हो ।

यो कसको गेम भने म बयान दिएर निस्केपछि ३ दिनपछि एक जना डीएसपी दुर्गा दाहाल भन्ने आउनुभएको थियो । उहाँले मलाई बाजेको सेकुवामा भेट्नुभयो । ५०–६० हजार बिल पनि तिरें । उहाँले ६० लाख अफर गर्नुभयो । पैसा दिनु प¥यो । सन्जय थापाको घर बन्दैछ भन्नुभयो, उहाँको एसपीको । अनि मैले भनेँ, मसँग त पैसा छैन । मैले कहाँबाट पैसा दिने । अनि ३० लाख त दिनुस् भन्नुभयो । मैले ३० पनि दिइनँ ।

पैसा नदिदाखेरी उहाँहरूले के गर्नुभयो भनेदेखि त्यो कुरा चाहिँ जीवनलाई छोडियो भनेर म्यासेज चाहिं एआईजी श्यामलाल ज्ञवालीलाई दिइयो । श्याम ज्ञवालीले चाहिं पहिल्यैदेखि मलाई फसाउन खोजिराख्नु भएको थियो । श्याम ज्ञवाली आईजी बन्नको लागि मसँग १ करोड पैसा माग्नुभएको थियो । तपाईलाई आज म खोल्दैछु, एक करोड पैसा माग्नुभएको थियो । श्याम ज्ञवालीले मलाई पहिला पनि फसाउन खोज्नु भएको थियो ।

श्याम ज्ञवाली हेडक्वाटर भएको मान्छेलाई उहाँ सीआईबी जीवन चलाउनेलाई किन छाडेको भनेर फोन गर्नुभएको थियो । यसरी फसाउन खोजिएको थियो । पछि उहाँले हालका गृहमन्त्री रविलगायत उहाँको टिमलाई उचालेर जीवन चलाउनेलाई छाडियो भनेर चाहिँ भनेका थिए । त्यसपछि रवि लामिछानेले त्यतिबेलाका गृहमन्त्री नारायणकाजी श्रेष्ठलाई भनेर मेरो नाम जबरजस्ती जोडिर प्रतिवादी बनाइयो ।

त्यही श्याम ज्ञवालीले मेरो साथी जीवन बोलाएर भन्नुभयो, ‘जीवन तिमी भाग तिमीलाई समाउँदैछ ।’ तिमीलाई नराम्रोसँग हाल्छ, सरकारले फसाउँदैछ भनेर भन्नुभयो । ड्रग्स हाल्न सक्छन् जीवनलाई भगाईदेउ भने । यता श्याम ज्ञवालीले मेरो साथी रोशनीलाई हेडक्वाटरमा बोलाएर भगाउ भन्नुभयो । यता मलाई भाग भन्नुभयो ।

अनि उता सीआईबीमा फोन गरेर किन छाडेको भन्नुभयो ? उहाँले यो किन गर्नुभयो भने मेरो व्यापारिक प्रतिस्पर्धा एक जना उहाँको पार्टनर निराजनसँग छ, अहिले मैले उहाँको नाम लिइनँ । हो, उसको मार्केट मैले खाएको भएर मलाई डाउन गरेपछि उसको पार्टनरको राम्रो हुने भयो । एउटा यो कारण ।

अर्को कारण उहाँलाई सीआईबीमा आउनुछ । एआईजी किरण म्यामलाई बद्नाम गरेर उहाँलाई सीआईबीमा आउनुछ । एउटा उद्देश्य यो पनि छ । आईजीपी बन्नुछ उहाँलाई । अब सबै कुरामा मलाई फसाउने चाहिँ श्याम ज्ञवाली हुनुहुन्छ ।

६० लाख माग्ने पाटीले म व्यापारी भएकाले उहाँहरूले पहिल्यैदेखि मलाई टार्गेट गरेको थियो । त्यही अनुसार पैसा मागेको थियो । अब व्यापारीले कति जानालाई पैसा दिने ? पुलिसलाई दिने कि पत्रकारलाई दिने कलाई दिने ? आफूले केही गल्ती गरेको छैन । बैंकको पैसा तिर्न नसकेर बैंकले लिलामी गर्न लागिसक्यो कुरा गरेकै भरमा त्यो व्यापारिक कुरा गरेकी भरमा त्यो दावासँग कुरा गरेकै भरमा मलाई फसाइँदैछ । फसाइयो । आज मलाई माफिया बनाइएको छ । सुनमा १ लाख हाल्न नसक्ने हैसियतको मान्छे म ।

सुबु केसी भन्ने मान्छेलाई म सामान्य चिन्छु । मेरो एक जना दुबई बस्ने भान्जासँग चिनजान हो । एक जना पेम्बा भन्ने भाइसँग मेरो आर्थिक कारोबार हुन्थ्यो । उहाँसँग सरसापटी पनि चल्थ्यो । भाइसँग मैले ३०–४० लाख सापटी पनि लिएको थिए । चेक बापत लिएको थिएँ । उहाँको दिदीलाई अमेरिकामा गाह्रो पर्दा अमेरिका बस्ने मान्छेले ५, ७, १० हजार कति सापट पैसा एक जना भान्जालाई भनेर दिलाइदिएको थिएँ । त्यो ५–५ हजारले सुनको काम हुन्छ हजुर ? सुनमा अरब, खरबको कुरा छ, केश छ । मै हुँ भन्ने कस्तो कस्तो माफियाहरू यसमा आबद्ध छन् । यसमा हामीजस्तो निर्दोष मान्छेलाई फसाएर स्क्याण्डल बनाइँदैछ ।

म फेस गर्न तयार छु । म आफैं सरेन्डर पनि गर्दैछु । म २० वर्षदेखि दुख गरेर १ हजार जना मान्छेलाई रोजगारी दिएको ३७ वर्षको केटो आफ्नै देशमा केही गर्छु । आफ्नै देशमा केही गुर्नपर्छ, आफ्नै देशमा उत्पादनशील काम गर्नुपर्छ, आफ्नै देशमा रोजगारी दिनुपर्छ भनेर यत्रो मान्छेलाई रोजगारी दिएको मान्छे, सामाजिक काम गर्ने मान्छेलाई फसाउन खोजियो ।

मैले यो कुरा आयोगलाई पनि भनेको छ । सहकुल थापालाई पनि फोन गरेको छ । तर मान्छेलाई डर हुन्छ नि सर । अब पुलिसै लागेर पुलिस पुलिसको द्वन्द्वमा पारेर मलाई फसाउन खोजिंदैछ भने म कसरी आउनु ?

मैले केही नगर्दा त मलाई फसाइँदैछ । मैले भनेको अनुसार पैसा दिएको भए यो केही आउने पनि थिएन । यो व्यापारी हो यसलाई डसिहाल्नुपर्छ, यसलाई लुटिहाल्नुपर्छ भन्ने छ नि । एआईजीलाई भने सीआईबी जाँदा नै भेटेको हो मैले । नभए जीवनमा चिनेको पनि थिएन । सबै कुरा बुझेर यो मान्छे निर्दोष हो भन्ने सबै जनाले सल्लाह गरेपछि म बाहिर गएको हो । म कुनै भागेको होइन । बोलाउँदा जतिबेला पनि आउँछु भनेको हो ।

रुगम कुँवरलाई मेरो बारेमा केही थाहा छैन । उहाँ यो अनुसन्धान गर्ने सेक्सनमा पनि हुनुहुन्न । उहाँसँग गाउँको चिनजानको नाता मात्रै हो । उहाँलाई फसाउने रणनीति श्याम ज्ञवालीले पहिल्यैदेखि गर्नुभएको हो ।

पहिलाको गृहमन्त्रीसँग पनि उहाँको केही समस्या थियो होला अब अहिलेको गृहमन्त्रीलाई त सहकुल थापाकै आदेशमा समातेर चितवन पठाउनु भएको थियो क्यारे । अब त्यो रिस अब उहाँलाई फेर्दैछन् ।

अर्कोतर्फ सर्वेन्द्र खनालसँग मेरो एक कल फोन हुन्छ, न मेरो उहाँसँग चिनजान छ । मलाई स्क्याण्डल बनाइएको छ । मलाई बलीको बोको बनाइएको छ । पाँच महिना भइसक्यो मेरो व्यापार व्यसाय ठप्प बनाइएको छ । मैले एक हजार मानिसलाई रोजगार दिएको छु । अब सब बेरोजगारी भइसके । समाज सेवा गरेर काम गरेका मान्छेलाई यही सजाय ? देशबाट पलायन हो भन्ने ? यस्तो पनि हुन्छ ? कानून त्यस्तो पनि हुन्छ ? म भाग्ने भए त त्यतिबेलै भाग्थें होला नि ।

बयान दिएर आएको सात दिनपछि मेरो नाम जबरजस्ती मेरो राजनीतिक दबाबमा हालियो । यो सबै ग्राण्डडिजाइन श्याम ज्ञवालीले बनाउनुभयो । अहिलेको गृहमन्त्रीज्युलाई उहाँले प्रयोग गरिराख्नुभाको छ । अब हेर्नुस् यो सबै खेल उहाँ सीआईबीमा आउनलाई गर्नुको म त बलीको मात्रै भको । म सुनको काम गर्ने मान्छे होइन । यो दुनियाँलाई थाहा छ । ८० प्रतिशत पुलिसलाई थाहा म निर्दोष छु भनेर ।

दावासँग गोप्य भनेर गरिएको कुराकानी उहाँसँग मैले ५ करोड पैसा मागेको थिएँ उसले चाहिँ बजारभरी भल्ला ग¥यो । जीवनले ५ करोड ब्याजमा माग्यो भनेर हल्ला ग¥या भएर दाई अलि गोप्य कुरा गर्नुछ तपाई यहाँ आउनुस् त भनेर त्यो प्रयोजनका लागि भनेको हो हजुर ।

अब म चाँडै आएर अदालतमा सरेन्डर गर्छु । म आफ्नो देशमा केही गर्नुपर्छ, आफ्नो देशमा उद्योगधन्दा खोलेर व्यपार व्यवसाय गर्नुपर्छ भनेर भनेको हो । म त नेपालीमा एक जना नमूना मान्छे हो । धेरै दुख गरेर यहाँसम्म आइपुगेको मान्छे हो । कतिलाई रोजगारी दिएको छु भन्ने कुरा हजुरले अनुसन्धान पनि गर्नसक्नुहुन्छ ।

आज मेरो अफिसमा ताला लाग्ने अवस्था भयो । बैंकको त्यतिबै करोडै रुपैयाँ लोन छ । बजारमा त्यतिकै छ मेरो करोडौ पैसा डुब्ने भयो । एक जना पत्रकार शालिकराम झुण्डिएर मरेका थिए नि हजुर मलाई त त्यस्तो बनाइदैछ । दुई चोटी मैले सुसाइड गर्न एटेम गरिसकें । मैले २० वर्ष गरेको मेरो मेहनत सकाइदिए यिनीहरूले । मैले जबकी सुनको ‘स’ पनि मलाई थाहा छैन ।

ज्यानलाई खतरा छ तँलाई फसाउँछै छ भनेर श्याम ज्ञवालीले भनेपछि आफ्नो ज्यानको डर हुँदैन ? मेरो दुई वटा बच्चा चाहिँ कसले पाल्छ हजुर ? यत्रो मेरो ५, ६ सय ८ सय, ९ सय करोडको तेत्रो सम्पत्ति छ करोडौ लोन छ म कहाँ भाग्छु ? म भाग्ने मान्छे हो ? भाग्दैन नि म ।

आएर आफ्नै देशमा मर्छु, आफ्नै देशमा केही गर्छु भनेर ३७ वर्षको उमेरमा बसन्त चौधरीसँग आर्मीको ठेक्का खोसेर २ अर्ब रुपैयाँको ठेक्का गर्ने मान्छे म । हजारौं जनालाई रोजगारी दिएको छु आफ्नो देशमा मैले । नेपालमै केही गर्नपर्छ भन्ने मान्छे । यही हो व्यापारीलाई काम गर्ने वातावरण ? म दिल्लीमा छु अहिले ।