१० तोला गहना चोरीको आरोपमा एक जना पक्राउ

८ चैत, काठमाडौं । १० तोला बराबरका सुनका गरगहना चोरी गरेको आरोपमा प्रहरीले एक जनालाई पक्राउ गरेको छ ।

गोरखाको बाह्रकिलो घर भइ काठमाडौंको नागार्जुन नगरपालिका–४ बस्ने २० वर्षीय रिकेश दास  पक्राउ परेका हुन् । जिल्ला प्रहरी परिसर काठमाडौंका एसपी नवराज अधिकारीका अनुसार दासलाई नागार्जुनबाट पक्राउ गरिएको हो ।

दासले ललितपुर महानगरपालिका–२३ मा भाडामा बसेका अर्घाखाँचीका केशव पौडेलको कोठाबाट १० तोला बराबरका सुनका गरगहना चोरी गरेको आरोप छ ।उनले रानिहार १ थान, चन्द्रमा २ थान, इन्डियन मंगलसुत्र १ थान, लकेट १ थान र झुम्का १ जोर गरी १० तोला बराबरको सुन ३० फागुनमा चोरी गरेको प्रहरीले जनाएको छ ।