९ चैत, काठमाडौं । ललितपुरको पाटनमा भूकम्पको कारण पूर्ण क्षति भएको ज्येष्ठ वर्ण महाविहार (ज्याबहाः वहि) पुननिर्माण भएको छ ।
ललितपुर महानगरपालिका-१२ चाःवहामा रहेको सो महाविहार १२ वैशाख २०७२ मा गएको विनाशकारी भूकम्पले पूर्ण क्षति पुर्याएको थियो ।
सहरी विकास मन्त्रालय अन्तर्गत केन्द्रीय आयोजना कार्यान्वयन इकाइले भारत सरकारको वित्तीय सहयोगमा सो महाविहारको पुनर्निर्माण गरेको हो । जसमा प्राविधिक सहयोग भारतीय राष्ट्रिय ट्रस्टले गरेको थियो ।
नेपाली परम्परागत बहिल वास्तुकला, काष्ठकलाको संयोजनमा निर्माण भएको १४ करोड ५९ लाख १३ हजार खर्च भएको सहरी विकास मन्त्रालयले जनाएको छ ।
शुक्रबार सहरी विकास मन्त्री धनबहादुर बुढा र नेपालका लागि भारतीय राजदूत नवीन श्रीवास्तवले पुनर्निर्मित महाविहरको संयुक्त रुपमा उदघाटन गरेका हुन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4