१० भदौ, काठमाडौं । कैलालीको दुर्गौलीमा कर्फ्यू अवज्ञा गर्दै मोटरसाइकल चलाएपछि प्रहरीले गोली हानेको छ ।
गोली लागेर एक जना घाइते भएका छन् । कर्फ्यू लागेको क्षेत्रमा मोटरसाइकल चलाएको र सशस्त्र प्रहरीले रोक्न खोज्दा नमानेकाले गोली हानिएको प्रहरीले जनाएको छ ।
गोली लागेर मोटरसाइकल चालक जगत देवकोटा घाइते भएका छन् । उनको खुट्टामा गोली लागेको छ र टीकापुर अस्पतालमा उपचार भइरहेको छ ।
मोटरसाइकल पछाडि बसेका अर्को व्यक्तिलाई भने केही भएको छैन । घटनाबारे अनुसन्धान भइरहेको प्रहरीले जनाएको छ ।