बिहीबार, १७ चैत, २०७३
OnlineKhabar.com

बेलुका बाजा बजाएर बिदाइ, भोलिपल्ट स्वागत !

माधव नेपालले मैथिलीमा भने- एमालेलाई खेद्नेहरु आफैं खेदिन्छन्

अनलाइनखबर

madhav-nepal-bidai

२५ पुस, सुनसरी । जिल्लाको हरिनगरा गाविसका आइतबार साँझ अनौठो जुलुस निस्कियो । मसाल जुलुससहितको कार्यक्रममा प्रदर्शनकारीले बोकेको ब्यानरमा लेखिएको थियो-‘मधेसबाट एमालेलाई विदाइ कार्यक्रम ।’ त्यस्तै अर्को ब्यानर थियो- ‘एमालेलाई मधेस नचाहिने भए मधेसीलाई एमाले किन चाहियो ?’

मधेसी समुदायको बाहुल्य रहेको हरिनगरालाई एमाले मुक्त घोषणा गर्दै यस्तो ‘विदाइ कार्यक्रम’ त्यस्तो बेलामा आयोजना गरिएको थियो, त्यसैको भोलिपल्ट सोही ठाउँबाट एमालेले मधेस जागरण अभियान सुरु गर्न लागेको थियो ।

आइतबार साँझ एमालेलाई विदाइ गरिएको सोही हरिनगरामा एमालेले सोमबार माधव नेपालको प्रमुख आतिथ्यमा आमसभा आयोजना गर्‍यो । सो सभामा मैथिली भेषमा प्रस्तुत हुँदै एमाले नेता माधव नेपालले मैथिली भाषामा भने- एमालेलाई मधेसबाट खेद्छौं भन्नेहरु आफैं खेदिन्छन् ।

madhav-nepal-1

मधेसकेन्द्रित दल र सत्ता पक्षका कार्यकर्ताले सुनसरीको हरिनगराबाट एमालेमुक्त मधेस बनाउने भन्दै बाजा बजाएर ‘बिदाई कार्यक्रम’ गरिएकै ठाउँमा सोमवार एमालेले शक्ति प्रदर्शन गरेको हो ।

एमालेको मधेश जागरण अभियान सुनसरी सदरमुकाम इनरुवाबाट १६ किलोमिटर टाढा भारतीय सीमावर्ती हरिनगराबाट शुरु भएको एमाले जिल्ला अध्यक्ष द्वारिकालाल चौधरीले बताए ।

एमाले अध्यक्ष केपी शर्मा ओलीले पुस २२ मा काठमाडौंको शक्ति प्रदर्शन लगत्तै मधेश जागरण अभियान शुरु हुने घोषणा गरेका थिए ।

जागरण अभियानलाई मैथिली भाषामा सम्बोधन गरेका नेता नेपालले एमालेलाई मधेसबाट कसैले खेद्ने सपना देखेको भए उसैलाई जनताले खेद्ने बताए ।

मैथिल पोशाकमा उपस्थित भएका नेपालले पूरै भाषण मैथिलीमा गरेका थिए । उनले भने- ‘मधेसका सामन्त र जमिन्दारहरु मधेसी जनतालाई अझै पनि शोषण दमन गर्न सकिन्छ कि भनेर अधिकारका कुरा गरिरहेका छन् । खासमा तिनीहरुले मधेसी जनतालाई फेरि पनि शासन गर्न खोजेका छन् ।’

एमाले मधेसमै जन्मिएको र मधेशमै हुर्किएको पार्टी हो भन्दै नेता नेपालले आफू मधेसको धर्तिपुत्र भएको दाबी गरे ।

उनले भने- ‘एमालेलाई मधेसबाट बाजा बजाएर बिदा गर्छौं भन्नेहरु जनताबाट हारेका भगौडा हुन्, हामी मधेसका धर्तिपुत्र हौं ।’

uml-madhes

एमालेको सभालाई सम्बोधन गर्दै एमाले केन्द्रीय सदस्य जगदीश कुसियत, महफुज अन्सारी, तैयव अन्सारी लगायतले मधेसी जनतालाई भ्रममा पार्नेहरुको भण्डाफोर अभियान हरिनगराबाट शुरु भएको बताएका थिए ।

कार्यक्रम शुरु हुनुअघि विभिन्न गाविसबाट एमाले समर्थकहरुले जुलुस निकालेका थिए । मधेसी मोर्चाका कार्यकर्ताहरुले माधव नेपाल जाने सडकका ठाउँ ठाउँमा टायर बालेर अवरोध प्रयास गरेका थिए । तर, एमाले कार्यकर्ताले उनीहरुलाई लखेटेको एमाले नेतृ मीना श्रेष्ठले बताइन् । उनले अघिल्लो दिन एमालेलाई बिदाइ गर्नेहरु भोलिपल्ट आफैं भागेको दाबी गरिन् ।

एमालेको यो जागरण अभियान सीमावर्ती गाउँहरुसम्म निरन्तर चल्ने एमाले सुनसरीका ५ नम्बर क्षेत्रीय अध्यक्ष अजय कुसियतले बताए ।

sunsari-sava

सुनसरीका ६ वटा निर्वाचन क्षेत्रमध्ये तीनवटा क्षेत्र एमालेले जितेको छ । कांग्रेस, फोरम लोकतान्त्रिक र संघीय समाजवादी फोरमले एक एक सीट जितेका छन् ।

एमालेले मंगलबार सप्तरीको राजविराजमा जागरण अभियान सञ्चालन गर्ने नेताहरुले जनाएका छन् ।

२०७३ पुष २५ गते १५:५६ मा प्रकाशित
अनलाइनखबरको एन्ड्रोइड एपका लागि यहाँ क्लिक गर्नुहोस् । तपाईं हामीसंग फेसबुकट्वीटरमार्फत् पनि जोडिन सक्नुहुन्छ ।
१० प्रतिकृयाहरू प्राप्त
  • prekshya लेख्नुहुन्छ    |   २०७३ पुष २५ गते १६:०५

    UML le yehi prgm terai ko sabai dist ma garera , congress , madhesi union le xodeko confusion clear garnu parxa . UML must nt deny their original and human right n raise voice to address them from Govt . UML lai naramro dekhayara vote batuldaixan tini haru .

    But guys be aware at KTM , PKR and towns.

    0
    0
    Share

  • LN DHAKAL लेख्नुहुन्छ    |   २०७३ पुष २५ गते १६:१५

    kasaile dhol nabajaye hunxa ea maa le ko sit kunai halat maa tarai maa ghatdaina 1/2 jana indian tarai basi le pan khadai danthi bokera amale ko bhot ghadaina puranu party ho eamale

    0
    0
    Share

  • laureetekera लेख्नुहुन्छ    |   २०७३ पुष २५ गते १६:४८

    फिरन्ताहरु आफै लखेटिए बराबर छन कसैले लखेटनु पर्दैन मधेसका नाममा फिरन्ताहरुले चलाएको भ्रम चिर्नु पर्दछ

    0
    0
    Share

  • bharat oli लेख्नुहुन्छ    |   २०७३ पुष २५ गते १७:२३

    हा हा जो तेहिकै जनता बाटनै तिरस्कृत छन उनैले एमालेलाइ बिदाइ गर्ने रे।।।यो भन्दा ठुलो जोक के हुनसक्छ???

    3
    0
    Share

  • यादब लेख्नुहुन्छ    |   २०७३ पुष २५ गते १८:०५

    मधेसका सोझा साझा जनताको चेतना स्तरमा बिकास भएर मधेसी जनताबाट आफै भाग्‍नु पर्ने अवस्था आउन लागेको भएर हो यस्तो नाटक,मधेसमा ठगि खान पल्‍केका अंग‍िकृत नागरीकहरुले मधेसका जमिनदारहरुले मधेसका नाममा राजनिती गरेका मात्र हुन । त्यहांका बास्तबिक बंशजका नागरीकहरु अहिले पनि राष्ट्र र राष्ट्रियताको पक्षमा छन यिनीहरुलाई अल्पमतमा पार्न सकिन्छ की भनेर मधेसीमोर्चाको नाममा राजनिती गर्न उम्रेका भुसुनाहरु मात्र हुन ।

    3
    0
    Share

  • bn लेख्नुहुन्छ    |   २०७३ पुष २५ गते २०:१९

    ओली किन न आ को हरिनगरामा
    बाजा बजाए र ? माधब आए टोपी खोलेर किन ? ऐमालेजनले यो के गरेको ।

    0
    0
    Share

  • शेषमणी पाैडेल लेख्नुहुन्छ    |   २०७३ पुष २५ गते २२:४६

    देश भक्त मधेशी जन्ताहरू अंगिकृत हरूकाे पछाडी कहिल्यै लाग्ने छैनन ।

    2
    0
    Share

  • sarala regmi लेख्नुहुन्छ    |   २०७३ पुष २६ गते ७:१०

    it is very good.

    0
    0
    Share

  • Dhruba Prasad Ghimire लेख्नुहुन्छ    |   २०७३ पुष २६ गते ९:१६

    खबदार रास्ट्रघाती हो ! नागरिकता जसरी मधेश बेच्न सक्दैनौ किनकी त्यहाँ धर्तिपुत्र माधब नेपाल र राष्ट्रवादी जनता पनि छन ।

    0
    0
    Share

  • Dila Chaoudhari लेख्नुहुन्छ    |   २०७३ पुष २६ गते १०:१७

    एमाले लाई माधेश मुक्त गर्छु भन्नु मनको लड्डु घिऊ सँगै खानु भने जस्तै हो,असल्ली माधेशबासी धर्ती पुत्रहरूको साथ रहुन्जेल अङ्गीकृत र शोषक मोर्चा अनि गठबन्दन का दलाल नेता र तिनका लठैत हरूले केही लाछारो लाउन सक्दैनन।

    1
    1
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this