नायिका अनु शाहले छायांकनमा रहेको चलचित्र ‘भैरव’का केही तस्बिरहरु आफ्नो फेसबुक मार्फत सार्वजनिक गरेकी छिन् । जहाँ, लामो समयपछि नेपाली सिनेमामा कमब्याक गर्न लागेका नायक निखिल उप्रेतीको नयाँ रुप देख्न सकिन्छ ।
चलचित्रमा नायक उप्रेती प्रहरीको भूमिकामा देखिएका छन् । निखिलले यो सिनेमालाई आफै निर्देशन पनि गरिरहेका छन् । प्रहरीको बर्दीमा निखिलको तस्बिर आकर्षक देखिएको छ ।
नेपाली सिनेमामा एक्सन नायकको रुपमा चिनिएका नायक उप्रेती नायिका संचिता लुइटेलसँग प्रेममा परेपछि एकाएक मुम्बई पसेका थिए । करिब ५ बर्षपछि निखिल नेपाली रजतपटमा निर्देशकको रुपमा डेब्यू गर्दै फर्केका हुन् ।
सर्लाहीका विभिन्न स्थानमा छायांकन भैरहेको यो सिनेमामा खलनायक मुरलीधरलाई पनि देख्न सकिन्छ । 
