२७ कात्तिक, काठमाडौं । यू-१९ महिला राष्ट्रिय क्रिकेट शुक्रबारबाट सुरु हुँदैछ । सीजी फुड्स नेपालको प्रायोजनामा मंसिर ६ गतेसम्म हुने प्रतियोगितामा नौं क्षेत्रीय टीमको सहभागिता रहनेछ ।
समूह एमा क्षेत्र नम्बर एक बिराटनगर, तीन काठमाडौं, सात जनकपुर र क्षेत्र नम्बर ८ पोखरा छन् भने समूह बीमा क्षेत्र नम्बर दुई वीरगञ्ज, चार भैरहवा, पाँच नेपालगञ्ज, छ वैतडी र नौं कञ्चनपुर छन् ।
खेलहरु त्रिवि क्रिकेट मैदान कीर्तिपुर र पुल्चोक इन्जिनियरिङ कलेजको मैदान पुल्चोकमा हुनेछ । समूह चरणको खेलपछि शीर्ष दुई टोली सेमिफाइनलमा पुग्नेछन् ।
