६ चैत, विराटनगर । साफ महिला च्याम्पियनसिप फुटबलको सेमिफाइनलमा नेपालले केहीबेर पछि श्रीलंकासँग प्रतिस्पर्धा गर्दैछ ।
विराटनगरको शहिद रंगशालामा हुने खेलमा नेपाली टिममा कुनै परिवर्तन गरिएको छैन । बंगलादेशविरुद्ध सुरुवाती एघारमा खेलेका खेलाडी नै आज मैदानमा उत्रिदै छन् । ४-४-२ को फर्मेसनमा नेपालले खेल्ने रणनीति बनाएको छ ।
स्पष्ट जित हात पार्दै फाइनलमा पुग्ने लक्ष्यमा नेपाल रहेको छ । श्रीलंकाभन्दा बलियो टिमको रुपमा परिचित नेपाल उपाधिको दाबेदार हो ।
नेपालले समूह ‘ए’ को विजेता बन्दा कुनै पनि गोल खाएको छैन । उदघाटन खेलमा भुटानमाथि ३-० को जीत निकालेको नेपालले दोस्रो खेलमा बंगलादेशलाई पनि ३-० गोलले नै पराजित गर्दै समूह विजेता बनेको थियो ।
तर यता, श्रीलंकाले भने आफ्नो पहिलो खेलमा माल्दिभ्सलाई २-० गोलअन्तरले पराजित गरेपनि समूह चरणको अन्तिम खेलमा भारतसँग ५-० गोलअन्तरले पराजित भएको थियो ।
श्रीलंकाले नेपालविरुद्ध रक्षात्मक खेल खेल्ने छ । विशेषगरी सावित्रा भण्डारी र निरु थापा उनीहरुको लागि टाउको दुखाइको विषय हो ।
नेपाली टिम
गोलकिपर- एञ्जिला सुब्बा
डिफेन्डर- हिरा भुजेल, पुनम जर्घामगर, गीता राना, मनमाया लिम्बु
मिडफिल्डर- अनिता बस्नेत, दीपा राई, मञ्जली कुमारी योञ्जन, रेनुका नगरकोटी
फरवार्ड- निरु थापा (कप्तान), सावित्रा भण्डारी