२९ मंसिर, काठमाडौं । साताको पहिलो दिन आइतबार ३९.३८ अंकले उकालो लागेको शेयर बजारले सोमबार पनि निरन्तरता दिएको छ । सोमबार शेयर बजार ६.४७ अंकले बढेको हो ।
यसरी बढ्ने क्रममा नेप्से परिसूचक सोमबार ९१६.७४ अंकमा पुगेको छ । यस खासगरी बैंक, हाइड्रोपावर र इन्स्यूरेन्स कम्पनीको शेयरमा सुधार आएपछि नेप्से उछालिएको हो ।
नेपाल स्टक एक्स्चेञ्चमा कारोबार गर्ने विभिन्न ९ समूहमध्ये ७ समूहको कारोबार बढेको छ । टे्रेडिङ र विकास बैंक समूहको परिसूचक भने क्रमशः ३.२१ र ०.१७ अंकले घटेको हो ।
सोमबार बैंकिङ समूहको सूचक ६.७९ अंकले बढेको छ भने होटल समूहको ६.८८ अंक, हाइड्रोपावर समूहको १२.०४ अंक, फाइनान्स समूहको ४.०९ अंक, इन्स्योरेन्स समूहको ४९.०३ अंक, निर्माण तथा उत्पादनमूलक समूहको ५.५९ र अन्य समूहको ३.५२ अंकले बढेको छ ।
सोमबार स्टकमा ३५ करोड ७२ लाख ३३ हजार रुपैयाँ बराबरको ८ लाख ८३ हजार ४७ कित्ता शेयर किनबेच भएको छ ।
