१८ चैत,काठमाडौं । बुधवार ६ दशमलव २० अंकले घटेर नेप्से परिसूचक ९ सय ३९ अंकमा झरेको छ ।
बुधवार कारोवारमा आएका मध्ये होटल समुहको परिसुचक सवैभन्दा बढी ४१ दशमलव ६३ अंकले घटेको छ । त्यस्तै बीमा समुहको परिसुचक ३६ दशमलव ३ र जलविद्युतको १० दशमलव ३ अंकले गिरावट आएको छ ।
विकास बैंकको ८ दशमलव ७२, बैंकिङ समुहको ५ दशमलव ३६ र फाइनान्स समुहको सुचक १ दशमलव १८ अंकले गिरावट आएको छ ।
यता उत्पादन तथा अन्य समुहको परिसुचक भने स्थिर छ । बुधवार १ सय २१ कम्पनीको ३ लाख ८३ हजार कित्ता सेयर १२ करोड २७ लाख रूपैयाँमा किनबेच भएकाे नेपाल स्टक एक्सचेञ्जले जनाएको छ ।
