श्रीधर पौडेल/अनलाइनखबर
काठमाडौं । धरहरा, स्वयम्भूदेखि भक्तपुरको ५५ झ्याले दरबार नेपालको गहना थियो । नेपाली कला र ऐतिहासिक तथा सांस्कृतिक सम्पदाहरुले सबैको मन लोभ्याउँथ्यो । त्यसलाई हेर्न मानिसहरु विश्वका जुनसुकै कुनाबाट पनि नेपाल आउन गरेका थिए ।
तर, वैशाख १२ गतेको विनाशकारी भूकम्पले जनधनको क्षति मात्र भएन, नेपालको अनुहार भनेर चिनिने ऐतिहासिक तथा सांस्कृतिक सम्पदाहरु क्षतिग्रस्त भएका छन् ।
नौतले धरहरा ढलेको छ । बसन्तपुर दरबारमा भत्किएको छ भने काठमाण्डपसहितका त्यस क्षेत्रका मन्दिरहरु भग्नावशेषमा परिणत भएको छ ।
हाम्रा शहर र वस्तीहरुको अनुहार प्रकृतिले एसिड छर्केजस्तै विद्रूप बनेका छन् । अनलाइनखबरकर्मी श्रीधर पौडेलले काठमाडाैंका केही सांस्कृतिक धरोहरहरुको भग्नावशेषमा पुगेर पहिले र अहिलेका दृश्यहरुलाई संयोजन गरेका छन् ।
आशासँगै कामना गरौं, सरकारले गरेको प्रतिवद्धता अनुरुप आगामी पाँच वर्षभित्र फेरि यी धरोहरहरुलाई ‘पहिले र अहिले’ भनेर तुलना गर्दा हाम्रा सामु सुन्दर परिदृश्य झल्कियोस् ।