१० असार, काठमाडौं । ग्लोबल आईएमई बैंकले भक्तपुरको मध्यपुर थिमीस्थित निलबाराही चौरमा अस्थायी रुपमा बसोबास गरिरहेका २३३ भूकम्प पीडित घर परिवारलाई राहत वितरण गरेको छ ।
- राहत बाँड्दै ग्लोबल आइएमईको टोली
सिन्धुपाल्चोकको तातोपानीबाट निलबाराही आएका भूकम्प पीडितलाई राहतस्वरुप दाल, चामल, नुन, तेल, साबुन लगायतका सामान बैंकले वितरण गरेको हो ।
यसअघि भूकम्पबाट प्रभावित काठमाडौंको फुटुङ, साङ्ले खोला र नाङ्लेभारे, धादिङ जिल्लाका बायु गाउँ र टुकटिङ गाउँमा गरी ४६० घर परिवारलाई राहत वितरण गरिसकेको बैंकले जनाएको छ ।
ग्लोबल आइएमई बैंकले सामाजिक उत्तरदायित्व बहन गर्ने क्रममा मुलुकमा आइपर्ने बिभिन्न प्राकृतिक प्रकोप पीडितहरुलाई सहयोग गर्दे आएको छ ।