३१ साउन, काठमाडौँ । व्यवस्थापिका–संसद्को बैठकले दुईवटा विधेयक दफावार छलफलका लागि सम्बन्धित समितिमा पठाउने प्रस्ताव सर्वसम्मतबाट स्वीकृत गरेको छ ।
बैठकले ‘पोखरा स्वास्थ्य विज्ञान प्रतिष्ठान विधेयक, २०७१ र मानव शरीरको अङ्ग प्रत्यारोपण (नियमित तथा निषेध–पहिलो संशोधन)विधेयक, २०७२ लाई दफावार छलफलका लागि सम्बन्धित समितिमा पठाइयोस्’ भन्ने प्रस्ताव सर्वसम्मतिले स्वीकृत गरेको हो ।
दुवै प्रस्ताव स्वास्थ्य तथा जनसङ्ख्यामन्त्री खगराज अधिकारीले सदनसमक्ष प्रस्तुत गरेका थिए । रासस
