अखिल नेपाल फुटबल संघ एन्फाले विशेष अदालतमा चलिरहको मुद्धाको टुंगो नलागेसम्म खेलाडीहरुको निलम्बन कायम रहने बताएको छ ।
अखिल नेपाल फुटबल संघ एन्फाले मुद्धाको टुंगो नलागेसम्म खेलाडीहरुको निलम्बन कायम रहने बताएको छ । एन्फाका सीइओ इन्द्रमान तुलाधरले अनलाइनखबरसँग भने-‘मुद्दाको टुङ्गो नलागेसम्म उनीहरुको निलम्बन कायमै रहन्छ ।’
फिक्सिङको आरोपमा पक्राउ चार खेलाडी र एक प्रशिक्षकलाई विशेष अदालतले बुधबार धरौटीमा छाडेको थियो ।
रिहा भएपनि सफाइ नपाएकाले उनीहरु तत्काल मैदान र्फकने अवस्था छैन । तुलाधरले भने-‘उनीहरुले साफ खेल्ने सम्भावना छैन ।’
साफ च्याम्पियनसिन अर्को महिना भारतमा हुनेछ । डिसेम्बर २३ देखि जनवरी २ सम्म हुनेछ ।
राष्ट्रिय फुटबल टीम साफको तयारीमा रहेका बेला सागरसहितका खेलाडीहरु असोज २७ मा पक्राउ परेका थिए ।