२५ माघ, काठमाडौं । एकीकृत नेकपा माओवादीका सचिव वर्षमान पुन ‘अनन्त’ थाइल्याण्डमा स्वास्थ्य उपचार गरी मंगलबार स्वदेश फर्किँदैछन् । उनी थाइ एयरको विमानबाट काठमाडौं फर्किने छन् ।
जण्डिस बिग्रिएपछि अनन्तलाई गत मंसिर २१ गते उपचार गर्न थाइल्याण्डको बैंककस्थित लगिएको थियो । समितिवेज अस्पतालमा भर्ना भएको ४५ दिनपछि अनन्त डिस्चार्ज भएका थिए ।
अनन्तलाई लिन सभामुख ओनसरी घर्ती दुई साता अघि बैंकक गएकी थिइन् ।
बैंकक लैजानु अघि अनन्तलाई भारतको मेदान्त अस्पतालमा भर्ना गरिएको थियो ।
भारतबाट नेपाल फर्किए पनि पुनः स्वास्थ्यमा समस्या देखिएपछि अनन्तलाई बैंकक लगिएको हो ।
