११ वैशाख, काठमाडौं । स्टोक सिटीमाथि सहज जित हात पार्दै म्यानचेष्टर सिटी इंग्लिस प्रिमियर लिग फुटबलको तेस्रो स्थानमा उक्लिएको छ ।
च्याम्पियन्स लिगको सेमिफाइनलमा रियल मडि्रडसँग खेल्नु अघि सिटीले स्टोकलाई ४-० ले हराएको हो ।
घरेलु मैदान इत्तेहाद स्टेडियममा भएको खेलमा सिटीले ३५ औं मिनेटमा फर्नान्डिन्होको हेडबालबाट अग्रता लिएको थियो । ४३ औं मिनेटमा सर्जिओ एग्युरोले पेनाल्टी गोल गरेपछि घरेलु टोली पहिलो हाफमा २-० ले अगाडि रहृयो ।
दोस्रो हाफमा दुबै गोल इहिनाचोले गरे । उनले ६४ र ७४ औं मिनेटमा गोल गरेका हुन् ।
जितपछि म्यानचेष्टर सिटीको ३५ खेलबाट ६४ अंक भएको छ र तेस्रो स्थानमा छ । चौथो स्थानमा रहेको आर्सनलको ६३ अंक छ र एक खेल कम खेलेको छ ।