१८ जेठ, नवलपरासी । नवलपरासीको मध्यविन्दु नगरपालिका ७ भागरा गाउँका ७ वर्षीय बालकको गिरुवारी खोलामा डुबेर मृत्यु भएको छ ।
इलाका प्रहरी कार्यालय नवलपुरका अनुसार मंगलवार साँझ ५ बजेतिर साथीहरुसँग पौडी खेल्न गएका क्षितीज महतोको डुबेर ज्यान गएको हो ।
पौडि खेल्दा महतो खोलामा डुबेपछि उनका साथीहरुले अभिभावकलाई खबर गरेका थिए । बालकलाई निकालेर मध्यविन्दु अस्पतालमा उपचारका लागि ल्याइए पनि अस्पतालले मृत घोषणा गरेको थियो ।
