२८ जेठ, रुपन्देही । बुटवलको योगीकुटीमा शुक्रबार ट्रकले स्कुटरलाई ठक्कर दिँदा २ जना घाइते भएका छन् ।
बुटवलबाट भैरहवातर्फ जाँदै गरेको ना २ ख ८७२४ नम्बरको ट्रकले ‘अनटेस्ट’ स्कुटरलाई ठक्कर दिँदा स्कुटरमा सवार रुपन्देही सिद्धार्थनगर नगरपालिका-१२ का १६ वर्षीय सन्जिव यादव र सोही स्थानका १७ वर्षीय अमित यादव घाइते भएका छन् ।
दुर्घटनामा घाइतेमध्ये अमितको अवस्था गम्भीर छ । उनको लुम्बिनी अञ्चल अस्पताल बुटवलमा उपचार भैरहेको क्षेत्रीय ट्राफिक प्रहरी कार्यालय बुटवलले जनाएको छ । ठक्कर दिने ट्रक र चालकलाई प्रहरीले नियन्त्रणमा लिएको छ ।
ट्रकको अगाडिको पाङ्ग्राले किचेर स्कुरको पूर्णरुपमा क्षतिग्रस्त भएको छ ।
शुक्रबारै बारामा कार र मोटरसाइकल ठोक्किंदा दुई जनाको मृत्यु भएको छ ।