२ भदौ, काठमाडौं । नेविसंघको प्रारम्भिक मत परिणाममा अध्यक्षका प्रत्यासी नैनसिंह महरले अग्रता लिएका छन् । यसैगरी महामन्त्री पदमा कुन्दन काफ्ले अघि देखिएका छन् ।
नेविसंघको नयाँ नेतृत्वका लागि भएको मतदानको गणना अहिले कांग्रेस पार्टी कार्यालय सानेपामा जारी छ ।
पछिल्लो मत परिणाम अनुसार सभापति पदका प्रतिस्पर्धी नैनसिंह महरले १४ सय ९६ मत पाएका छन् । यसैगरी मनोजमणि आचार्यले १३ सय ६५ मत पाएको निर्वाचन समितिले जनाएको छ ।
महामन्त्री पदमा कुन्दन काफ्लेले ७७७, सरोज थापाले ६९१, दिपक भट्टराईले ६२४ र हिमाल श्रेष्ठले ५१७ मत पाएका छन् ।
सात प्रदेशको मतगणना सकिएको र उपत्यकाको बाँकी रहेको निर्वाचन कमिटीले जानकारी दिएको छ ।
