२१ असोज, नेपालगन्ज । बाँकेको नोवस्ता-७ सुतैयामा एक युवकको गाडिएको अवस्थामा फेला परेको छ ।
मृतक नौवस्ता-७ का १७ वर्षीय सुभाष शाही रहेको इलाका प्रहरी कार्यालय कोहलपुरका इञ्चार्ज प्रहरी नायव उपरीक्षक सुरेशप्रसाद काफ्लेले जानकारी दिए ।
असोज १७ सुतैंयाकै गाउँमा भएको एउटा विवाह समहारोह सामान्य झगडाका कारण सो हत्या भएको हुनसक्ने प्रहरीको प्रारम्भिक अनुसंधानले देखाएको छ ।
विवाहमा मृतक शाहीसँंग नौवस्ताकै दिनेश महत र नन्द बहादुर पुनका बीचमा सामान्य भनाभन हुने गरी झगडा भएको देखियो त्यसै झगडाका कारण मृतकलाई छातिमा धारिलो हतियार प्रयोग गरी हत्या गरेको पाएका छौ’-डिएस्पी काफ्लेले भने ।
घटनामा संलग्नभएको आशंका गरिएका महत र पुन फरार रहेको इलाका प्रहरी कार्यालय कोहलपुरका प्रमुख डिएसपी काफ्लेले जानकारी दिए । घटनामा संलग्न रहेको आशंकामा १५जनालाई प्रहरीले अनुसन्धानका लागि नियन्त्रणमा लिएर अनुसंधान सुरु गरेको छ ।