३० कात्तिक, विराटनगर। सहरी विकासमन्त्री अर्जुननरसिंह केसीले सरकार ‘राष्ट्रिय सहरी नीति’ तयार पार्ने कार्यमा जुटेको बताएका छन् ।
शहरी क्षेत्रमा बस्ने नेपालका ४२ प्रतिशत जनताले नगरको न्यूनतम सुविधा पाउन नसकेकाले नयाँ नीति ल्याउन लागिएको उनकाे भनाइ छ ।
नेपाल प्रेस युनियन मोरङद्वारा आज विराटनगरमा आयोजित पत्रकार सम्मेलनमा उनले मुलुकको तल्लोस्तरमा उपेक्षित समुदायका लागि २० हजार भवन निर्माणका लागि ‘जनताको आवास कार्यक्रम’ ल्याउन लागिएको पनि जानकारी गराए।
