२७ फागुन, चितवन । कुरिनटारमा ट्रक र बस आपसमा ठोक्किँदा ८ जना घाइते भएका छन् ।
काठमाडौंबाट मुग्लिन आउँदै गरेको लु १ ख ८११८ नम्बरको ट्रक र मुग्लिनबाट काठमाडौं जाँदै गरेको ना ५ ख २४७८ नम्बरको बस आपसमा ठोक्किँदा बसमा सवार ८ जना यात्रु घाइते भएका हुन् ।
पृथ्वी राजमार्गअन्तर्गत चितवनको दारेचोक ३, कुरिनटारमा शुक्रबार बिहान भएको दुर्घटनामा घाईते भएकामध्ये २ जनाको अवस्था गम्भीर रहेको ईलाका प्रहरी कार्यालय मुग्लिनले जनाएको छ । घाइतेहरुलाई उपचारका लागि भरतपुर लगिएको छ ।
