१६ चैत, झापा । झापाको भद्रपुर-१० मा रहेको चारआली-केचना सडक खण्डमा रहेको नालामा डुबेर एक बालकको मृत्यु भएको छ भने एक जना घाइते भएका छन् ।
मृत्यु हुनेमा स्थानीय १० वर्षीय कुशल निरौला रहेको जिल्ला प्रहरी कार्यालय झापाका प्रहरी प्रवक्ता डिएसपी हरिप्रसाद शर्माले जानकारी दिए । शर्माका अनुसार उनको विर्तामोडस्थित विएण्डसी हस्पिटलमा उपचारको क्रममा मृत्यु भएको हो ।
त्यस्तै, घाइते हुनेमा सोही ठाउँका ६ वर्षीय समिर बजगाईं रहेका छन् । उनको अहिले विएण्डसीमा उपचार भइरहेको छ । बजगाईंको उपचारमा संलग्न चिकित्सकका अनुसार उनको अवस्था अहिले खतरामुक्त छ ।
स्थानीयले ठेकेदारको लापरबाहीले बालकको ज्यान भएको बताएका छन् । स्थानीय भन्छन्, ‘एक फुटको नाला खन्नु पर्नेमा ५ देखि १० फुटसम्मको नाला खनेपछि यो दुर्घटना निम्तिएको हो ।’
