१३ बैशाख, कपिलवस्तु । यहाँको विजयनगर गाउँपालिका-४ महिलावारमा आगलागी हुँदा ५० घरगोठ नष्ट भएका छन् ।
महिलवारका दादु कहारको घरमा भुजा भुट्ने क्रममा आगलागी भएको हो ।
आगलागीबाट गुल्लु कहारको घरमा पाहुँना आएकी कोटवाकी करिव ६० बर्षीय बन्शी प्रजापती घाइते भएको प्रहरीले जानकारी दिएको छ ।
आगलागीबाट ४ बाख्रा, २ गाई मरेको स्थानीय गौतम यादवले जानकारी दिए । घाइतेको शिवराज अस्पाताल बहादुगन्जमा उपचार भैरहेको मिर्जा अरशाद बेगले जानकारी दिए ।
कृष्णनगर नगरपालिकामा रहेको दमकलले आगो निभाउने प्रयास भैरहेको प्रहरीले जानकारी दिएको छ ।
