१७ वैशाख, काठमाडौं । वोल्फ्सबर्गलाई पराजित गर्दै बार्यन म्युनिखले लगातार पाँचौ पटक बुन्डेजलिगाको उपाधि जितेको छ ।
जर्मन लिगमा यो सिजन पनि बार्यनकै दबदबा रहृयो । उसले मात्र २ खेल गुमाएको छ र, ३१ खेलबाट ७३ अंक बटुल्दै ३ खेल अगावै लिगको उपाधि पक्का गर्यो ।
शनिबार राति भएको खेलमा बार्यन म्युनिखले वोल्फ्सबर्गलाई ६-० गोल अन्तरले पराजित गर्यो ।
वोल्फ्सबर्गको घरेलु मैदानमा भएको खेलमा बार्यन म्युनिखले अलबाको गोलबाट अग्रता लिएको थियो । ३६ र ४५ औं मिनेटमा रोबर्ट लेभान्डोस्कीले गोल गरेपछि बार्यन म्युनिखले पहिलो हाफमा ३-० को अग्रता लियो ।
खेलको ६६ औं मिनेटमा आर्जेन रोबिनदे गोल गरे । ७८ औं मिनेटमा लुइज गुस्तोभाले रातो कार्ड खाएपछि घरेलु टोली १० खेलाडीमा सिमित भयो । ८० औं मिनेटमा थोमस मुलरलेे गोल गरे भने ८५ औं मिनेटमा किमिचले गोल गर्दै बार्यन म्युनिखलाई ६-० गोल अन्तरको शानदार जित दिलाए ।
