नायक दयाहाङ राई, नायिका प्रियंका कार्कीको साथमा शिशिर भण्डारी, मेलिना मानन्धर, राज कटुवाल, निर्जन थापाको मुख्य भूमिका रहेको चलचित्र ‘लाल्टिन’को ट्रेलर सार्वजनिक भएको छ । जेठ २६ गतेबाट रिलिज हुने यो चलचित्रलाई देवकुमार श्रेष्ठले निर्देशन गरेका हुन् ।
चलचित्रमा नायिका केकी अधिकारी, ए गुरुङ लगायतका कलाकारको विशेष भूमिका छ । विनोद ढकाल, किरण माइकल, डिजराज पौडेलको संगीत चलचित्रमा छ ।
भानु प्रतापको प्रस्तुतीमा तयार भएको यो चलचित्रमा अनिम श्रेष्ठ र राज केसीको लगानी छ । मनोजराज भण्डारी, दीपक श्रेष्ठ यो चलचित्रका सह-निर्माता हुन् । चलचित्रमा हरि घलेको छायांकन, कविराज गहतराजको नृत्य निर्देशन, अर्जुन जीसी र मिलन श्रेष्ठको सम्पादन चलचित्रमा छ ।चलचित्रको ट्रेलरमा ‘डन’ बन्न संघर्ष गर्ने दयाहाङ, बार गर्ल प्रियंकाको कथा देखाइएको छ ।
