४ साउन, काठमाडौं । तत्कालीन मधेसी मोर्चामा आवद्ध ६ दल मिलेर बनेको राष्ट्रिय जनता पार्टीले संविधान संशोधनसँगै समानुपातिक समावेशीको मुद्दा अघि सारेको छ । तर, राजपा आफैंमा भने कति समावेशी होला ?

राजपा, नेपालले हालै मात्र दल दर्ताका क्रममा निर्वाचन आयोगमा ८१५ केन्द्रीय सदस्यको नाम बुझाएको छ । त्यसलाई विश्लेषण गर्दा राजपा आफैंले पनि समावेशी सिद्धान्त आत्मसाथ गर्न नसकेको देखिएको छ ।

रापपाको केन्द्रीय समितिमा आदिवासी जनजाति ८७ जना मात्रै छन्, जुन कुल सदस्यको ७ प्रतिशत मात्र हो ।

यस्तै दलित समुदायबाट २६ जना अर्थात ३ प्रतिशत मात्रै छन् । मुस्लिम समुदायबाट ६९ जना अर्थात ८.५ प्रतिशत छन् । महिलाको संख्या १२९ छ, जुन कुल सदस्य संख्याको १६ प्रतिशत मात्रै हो ।