२२ साउन, काठमाडौं । एनआइसि एशिया बैंक लिमिटेडले साउन २२ गतेबाट अनलाइन आस्वा सेवा सुरु गरेको छ ।
बैंकले गत माघ देखि नै आस्वा सेवा प्रदान गरिरहेको भएपनि अब अनलाइनबाट पनि यो सुविधा ग्राहकले पाउने भएका हुन् ।
ग्राहकहरुले निशुल्क प्राप्त गर्ने यस सेवा बैंकको मोबाइल बैंकिङ वा इन्टरनेट बैंकिङ सेवा प्रयोग गरेर प्रयोग गर्न सक्नेछन् ।
बैंकमा नै उपस्थित नभईकन अनलाइन आस्वा सेवा मार्फत आइपीओ, एफपीओ तथा सामूहिक लगानी कोषमा आवेदन दिन सक्नेछन् । साथै, बैंकले सञ्चालनमा ल्याएको आर्कषक व्याजदर भएको कुनै पनि बचत खाता खोली शुरुमा निशुल्क रुपमा मोबाइल बैंकिङ वा इन्टरनेट बैंकिङ सेवा प्राप्त गर्न सक्ने छन् ।