२१ माघ, विराटनगर । प्रदेश नं १ को सोमबार विराटनगरमा बस्ने पहिलो प्रदेशसभा अधिवेशनको आइतबार पूर्वअभ्यास गरिएको छ ।
जिल्ला समन्वय समितिको हलमा सोमबार दिउँसो १ बजे बस्ने प्रदेशसभा बैठकको सबै तयारी पूरा भएपछि पूर्वअभ्यास गरिएको हो । अधिवेशन करिव १५ मिनेट सञ्चालन भएको थियो ।
पूर्वअभ्यास बैठकको १ नं प्रदेशका जेष्ठ सदस्य ७४ वर्षीय ओमप्रकाश सरावगीको अध्यक्षतामा नै सञ्चालन भएको थियो ।
पूर्वअभ्यासमा केही सांसद र सरकारी कर्मचारीहरु सहभागी भएका थिए ।
हेर्नुस् तस्वीर
