२० फागुन, काठमाडौं । जनता बैक नेपाल लिमिटेड र सिद्धार्थ इन्स्युरेन्स कम्पनी लिमिटेडबीच बैंकासुरेन्स सेवासम्बन्धी सम्झौता भएको छ ।
सम्झौताअनुसार ग्राहकहरुले जनता बैंकको शाखाकार्यालयहरुबाट छिटो, छरितो तथा सहज रुपमा उक्तकम्पनीको बीमा लेख प्राप्त गर्न, प्रिमियम भुक्तानी गर्न, दावी भुक्तानी लगायत सम्पूर्ण बीमा सेवा प्राप्त गर्न सक्नेछन् ।
यसबाट ग्राहकहरुले एकै स्थानबाट बैंकिङ सेवाका अतिरिक्त बीमा सम्बन्धि सुविधाहरु पनि प्राप्त गर्न सक्नेछन् भन्ने अपेक्षा लिएको छ ।
बैंकको आफ्ना निक्षेप तथा कर्जा ग्राहकहरुलाई एकद्वार सेवा प्रणालीमार्फत झन्झटरहित जीवन तथा निर्जीवन बीमा सेवा प्रदान गर्ने क्रमको निरन्तरतासँगै उक्त सम्झौता गरिएको हो ।
सम्झौतापत्रमा जनता बैंक लिमिटेडका नायब प्रमुख कार्यकारी अधिकृत पृथ्वी श्रेष्ठ र सिद्धार्थ इन्स्युरेन्स कम्पनी लिमिटेडका नायब महाप्रबन्धक मुरारी रेग्मीले हस्ताक्षर गरे ।