बलिउडका भर्सेटाइल कलाकार फरहान अख्तर अर्को महिना नेपाल आउने भएका छन् । ‘फरहान लाइभ इन नेपाल’ कन्सर्टका लागि उनी आउन लागेका हुन् ।फरहान एउटा लेखक, निर्देशक र अभिनेताका साथै गायक पनि हुन् । रोयल च्यालेन्जले उनलाई नेपाल ल्याउन लागेको हो ।
आउँदो ७ अप्रिलमा हायात रिजेन्सी होटलमा उनको कन्सर्ट हुनेछ । ३ बजेदेखि सुरु हुने शोका लागि २ हजार रुपैयाँ र ४ हजार रुपैयाँको टिकट तोकिएको छ । टिकट विक्री चाँडै सुरु हुने आयोजकले जनाएको छ ।बलिउडमा बहुआयामिक परिचय बनाएका फरहानले ‘दिल चाहता है, लक्ष्य, डन’ जस्ता चलचित्र निर्देशन गरेका छन् । साथै उनले ‘रक अन, भाग मिल्खा भाग, जीन्दगी ना मिलेगी दोबारा’ लगायतका चलचित्रमा अभिनय पनि गरेका छन् ।
हालै सलमान खानको शो स्थगित भएबाट दुखित बनेका नेपालका बलिउड फ्यानहरुलाई फरहानको आगमन खुशीको समाचार हुन सक्छ ।
