१२ वैशाख, बुटवल । प्रदेश ५ संसद् बैठक आज बस्दैछ ।
प्रदेश ५ संसद् सचिवालयका अनुसार आज बस्ने बैठकमा गाउँसभा तथा नगरसभा सञ्चालनसम्बन्धी विधेयक टेबुल हुने कार्यसूची छ ।
यसअघि सार्वजनिक लिखत प्रमाणीकरण विधेयक संसदमा पेश भएपनि सैद्धान्तिक छलफल बाँकी छ । प्रदेश सभाका सचिव डा. मानबहादुर विकेले यसमाथि आज छलफल हुने जानकारी दिए ।
यस्तै आजको बैठकको शून्य समयअन्तर्गत सांसदहरुले आफ्नो धारणा राख्नेछन् ।
