७ साउन, काठमाडौं । माछापुच्छ्रे बैंकको ३० लाख कित्ता ऋण पत्र निस्काशन शुरु भएको छ । एक हजार अंकित दरमा बैंकले सोमबारदेखि ३ अर्ब रूपैयाँ बराबरको ऋणपत्र निस्काशनका लागि आवेदन खुला गरेको हो ।
ऋणपत्रमा बैंकले वार्षिक १०.२५ प्रतिशतको आर्कषक ब्याजदर दिने बताएको छ । एनएमबी क्यापिटल बिक्री प्रबन्धक रहेको १०.२५ माछापुच्छ्रे ऋणपत्र २०८५ नामक ऋणपत्रको कुल निष्काशित ३० लाख इकाईमध्ये सामूहिक लगानी कोषकालाई छुट्याइएको ६० हजारसहित १२ लाख इकाई अर्थात एक अर्ब २० करोड रूपैयाँ बराबरको सर्वसाधारणका लागि खुला छ ।
यस्तै, बाँकी १८ लाख अर्थात एक अर्ब ८० करोड रुपैयाँ बराबरको ऋणपत्र भने बैंकले व्यक्तिगत तवरबाट बिक्री गर्नेछ । इच्छुक लगानीकर्ताले न्यूनतम २५ कित्तादेखि अधिकतम ११ लाख ७० हजार कित्ताका लागि आवेदन गर्न सक्नेछन् । बैंकको ऋणपत्र निष्काशन छिटोमा साउन ९ गते निष्काशन बन्द हुनेछ भने ढिलोमा भदौ ३ गतेसम्म खुला रहनेछ ।
बैंकको ऋणपत्रमा धितोपत्र बोर्डबाट आस्वा अनुमति प्राप्त बैंक तथा वित्तीय संस्थाको अलवा मेरो सेयर सफ्टवेयरबाट समेत आवेदन गर्न सकिन्छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4