Comments Add Comment

‘दि कर्मा’को ट्रेलरमा नीता र करणको एक्सन, परमिताको कुटिलता

माघको १७ गतेबाट रिलिज हुन लागेको चलचित्र ‘दि कर्मा’को ट्रेलर युटुबबाट रिलिज गरिएको छ । चलचित्रको ट्रेलरमा एक्सनलाई प्राथमिकता दिइएको छ । नायिका नीता ढुंगाना र नायक करण वर्मालाई एक्सन अवतारमा देखाइएको छ ।

नायिका परमिता आर एल राणा र कलाकार वुद्दि तामाङलाई भने नेगेटिभ भूमिकामा प्रस्तुत गरिएको छ । देवकुमार श्रेष्ठले यो चलचित्रको निर्देशन गरेका हुन् । जय मिडिया म्यानेजमेन्ट र श्रीत फिल्मस् एण्ड इन्टरटेन्मेन्टको ब्यानरमा निर्माण भएको यो चलचित्रको कथा निर्माता जयराज रायले लेखेका हुन् ।

चलचित्रमा जयको साथमा श्रीदेव वीएल र निशा खतिवडा निर्माताको रुपमा छन् भने शारद खड्का सह–निर्माताको रुपमा छिन् । यो चलचित्रको पटकथा तथा संवाद सुशिल पोखरेलले लेखेका हुन् । चलचित्रमा रामेश्वर कार्कीको छायांकन, कोशिश क्षेत्री, मानष थापा र अंकितबाबु अधिकारीको संगीत छ ।

चलचित्रले पूर्वी नेपालको तराई क्षेत्रमा हुने हत्या, आतंक र लुटपाटको घटनालाई प्रस्तुत गरेको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment