१५ फागुन, जनकपुरधाम । महोत्तरीमा सवारी दुर्घटनामा परी घाइते भएका नेपाल कम्युनिसट पार्टी (माले)का महासचिव सिपी मैनालीसहित पाँचै जनालाई काठमाडौं पठाइएको छ ।
बर्दिबासमा सामान्य उपचारपछि मैनालीसहित उनका छोरा सरोज, बुहारी पूजा, पाँच वर्षीय नाति र चालक रामप्रसाद पौडेललाई हेलिकप्टरबाट काठमाडौं पठाइएको जिल्ला प्रहरी कार्यालय बर्दिबासका प्रवक्ता डीएसपी माधव बुढाथोकीले जानकारी दिए ।
उनीहरुको ग्राण्डी अस्पताल उपचार भइरहेको छ ।
झापाबाट काठमाडौं जाने क्रममा मैनाली परिवार चढेको बा७च २१२० नम्बरको कार र विपरीत दिशाबाट आइरहेको ना४च ७६८० नम्बरको गाडी बर्दिवास नगरपालिका-३ कालापानीस्थित बिपी राजमार्गमा ठोक्किँदा दुर्घटना भएको थियो ।
दुर्घटनामा सीपीको टाउको र शरीरको अन्य भागमा गम्भीर चोट लागेको र पूजाको खुट्टा भाँचिएको डीएसपी बुढाथोकीले जानकारी दिए ।