विश्वभरी फैलिएको छ कोरोनाको महामारी ।
बन जङ्गगलमा सल्किएको डढेलोको आगोसरी ।।
ईश्वी सम्वत दुइहजार उन्नाइस महिना डिसेम्बर ।
रोग फैलाउने छिमेकी चीनको वुआन सहर ।।
विश्वलाई नै चकित पार्ने कोरोना भाइरस ।
नाम यसको राखिएको छ कोभिड–उन्नाइस ।।
रुघा–खोकी, ज्वरो अनि सासै फेर्न गाह्रो ।
कोरोनाले बनाएको छ विश्वलाई नै तारो ।।
विश्वले नै गरेको छ ‘लकडाउन’ को व्यवस्था ।
कुनै देशमा छैन अहिले निर्मूल हुने अवस्था ।।
संसारलाई नै पा–यो यसले त्रसित र बेचैन ।
यसको कुनै खोप अहिले पत्ता ला’ग्या छैन ।
थुप्रै देशमा यो रोग अहिले फैलिएको छ ।
लाख बढी मानिसको ज्यान लिएको छ ।।
नेपालमा यो रोग अहिले त्यति जटिल छैन ।
त्यो भन्दैमा ढुक्क हुने अवस्था चाहीं हैन ।।
कोरोनाको सुनौं केवल सही समाचार ।
भ्रमित खवर फैलाई कति गर्छन् अत्याचार ।।
घरमै बस्नु पर्छ हामी सुरक्षित हुन ।
संयम् बनी धैर्यपूर्वक नआत्तिइकन ।।
गट्ठाघर, भक्तपुर
