७ वैशाख, काठमाडौं । सोमबार काठमाडौंको माइतीघरमा प्रहरीको एक समूह सडकमा भेटिएको कुकुरबाट घेरिए । लकडाउनका कारण सबैतिर बन्द हुँदा खानेकुरा नपाएका कुकुरहरू प्रहरीले खल्तीबाट खानेकुरा निकाल्दा वरपर झुम्मिए ।
बन्दका कारण बजारमा केही किनेर खान नपाइने हुनाले प्रहरीले पानी, जुस, बिस्कुटलगायतका ड्राइफुड बोकेर हिँड्ने गरेका छन् । सोमबार दिउँसो खल्तीमा बोकेको बिस्कुट निकालेको देख्नेबित्तिकै माइतीघरमा रहेका ट्राफिक प्रहरीलाई कुकुरले घेरे ।
प्रहरीले बिस्कुट दिएपछि ककुरहहरू पनि निकै रमाउदै खान थाले ।
