यो सबै नेपाली जनताको कमजोरीको फाइदा उठाएको हो। नेपाली जनता अशिक्षित हुनु , महत्वाकांक्षी हुनु , एकापसमा मिल्न नसक्नु, आलशी हुनु यी सबै नेपालीहरुको कमजोरी हो । यी कमजोरीहरु विश्वले नै बुझिसकेका छन् । सानो चलखेल गरेर नेपालीलाई भडकाउन सजिलो छ । यी नेताहरु हामी जनताबीचबाट नै निस्केर गएको हुन् । नेताहरु बेइमान हुनु हाम्रो व्यक्तित्वमा रहेको कमजोरीलाई दर्साउछ । हामी जस्तो छौ नेताहरु पनि त्यस्तै छन् । त्यसैले हामी नेपालीहरुमा परिवर्तन आवस्यक छ । पढेलेखेका नेपाली विदेशमा बसेका छन् नेपालमा बुढापाका अनि अवारागुण्डाहरु मात्र छन् अनि ति आवारागुण्डालाइ पाल्ने नेताहरु । नेपाली जनताबीच एकता छैन, अहमता नै बढी छ। एउटालाइ पर्दा अर्को चुपो लागेर हेरेर बस्छन । नेताहरुको गलत निर्णयको प्रतिकार गर्न नसक्नु नेपाली जनताको लागि घातक कुरा हो । देशलाइ डुबाउने गलत निर्णयमा किन सबै जनता मिलेर बिरोध गर्दैनन् । नेपाल बाट राजतन्त्र गएको त्यसै होइन । यो यस कारणले हो कि नेपाली जनता अब राजा राख्ने हैसियतमा रहेनन् । म राजतन्त्रको समर्थक होइन तर मैले यति बुझेको छु कि नेपाली जनता नै आफ्नो स्तरबाट तल खसेको हो । नत्र नेपाली जनताले आफै एकजुट भएर राजालाई जोगाउनु पर्थ्यो वा राजसंस्था फिर्ता ल्याउनु पर्थ्यो तर नेपाली जनताले आफ्नो अभिभावकलाइ बृद्धआश्रममा लगेर राखिदिए । यो देशको मान प्रतिष्ठा र एकता जुटाउने काम नेपाली जनताको नै हो तर नेताहरुले देशको जति बेइजति गरेपनि नेपाली जनता चुप लगेर बसेका छन् । राजतन्त्र नेपाली एकताको प्रतिक थियो र विश्वमा प्रतिष्ठाको, जुन अब रहेन देश टुक्रा टुक्रा भैसक्यो । बिस्तारै बिस्तारै धमिराले खाएको जस्तो खोक्रो भैसक्यो । बिदेशी सड्यन्त्र मौलाइ रहेको छ । यस्तो परिस्थितमा नेपालको भबिस्य अन्धकार नै देख्छु । नेताहरु भ्रस्टाचार गरेको पैसा लिएर विदेश गैहाल्छन, निमुखा गरिब नेपाली जनताको के हालत हुन्छ होला ।