प्रतिबन्धकै बीच ४१ हजार किलो कृत्रिम फूलमाला आयात 

१३ कात्तिक, काठमाडौं । सरकारले आयातमा प्रतिबन्ध लगाए पनि कृत्रिम फूलमालाको आयात भइरहेको पाइएको छ ।

प्रतिबन्धको सूचना राजपत्रमा प्रकाशित भएको तीन महिना बित्दा वैधानिक प्रक्रियाबाटै एक करोड ३४ लाख रुपैयाँ बराबरको कृत्रिम फूलमाला आयात भएको पाइएको हो ।

भन्सार विभागले आइतबार प्रकाशित गरेको तीन महिनाको व्यापार तथ्यांकअनुसार एक करोड ३४ लाख ३८ हजार रुपैयाँको ४१ हजार ९३ किलो फूलमाला आयात भएको छ । यस्तो आयातबाट सरकारले ६८ लाख २७ हजार रुपैयाँ राजश्व संकलन गरेको विभागको तथ्यांकमा देखिन्छ ।

वन तथा वातावरण मन्त्रालयले गत १२ साउनमा राजपत्रमा सूचना प्रकाशित गरेर प्लाष्टिकका कृत्रिम फूलमाला, बुके लगायतका वस्तुको उत्पादन, भण्डारण, आयात बिक्री र वितरणमा पूर्ण रोक लगाएको थियो ।

यो पनि पढ्नुहोस

भन्सारको गडबडीले प्रतिबन्ध लागेको प्लाष्टिकका फूलमाला बजारभरि

यो पनि पढ्नुहोस

रोकिएन प्रतिबन्धित प्लास्टिकका फूलमाला आयात