माओवादीले दियो विधानलाई अन्तिम रूप

२ चैत, काठमाडौं । नेकपा माओवादी केन्द्रले पार्टीको पहिलो विधान अधिवेशनमा आएका सुझावलाई समेटेर विधानलाई अन्तिम रूप दिएको छ ।

शुक्रबार बसेको पार्टीको स्थायी समिति बैठकले विधानलाई अन्तिम रूप दिएको पार्टी उपाध्यक्ष तथा प्रवक्ता अग्निप्रसाद सापकोटाले जानकारी दिए ।

‘अधिवेशनमा उठेका सुझावहरूलाई समेटेर विधानलाई अन्तिम रूप दिने काम भएको छ’, प्रवक्ता सापकोटाले भने, ‘सामान्यतः सम्पादन गरिएको छ । प्रस्तावनामा समाजवादन्मोख भनेर राखेका छौँ । साथै, निर्वाचन प्रणालीका विषयमा कमिटी प्रत्यक्ष चुनावबाट र निर्वाचित कमिटीबाट पदाधिकारी चयन गर्ने भनेर राखेका छौँ ।’

सापकोटाले बैठकमा थप एजेन्डामा प्रधानमन्त्रीको व्यस्तताका कारण छलफल नभएको र अर्को बैठकमा बाँकी विषयमाथि छलफल हुने बताए ।